තල පෝෂණටයෙන් සපිරි ධාන්‍ය වර්ගයකි. තල ගුලි, තල කැරලි ආදී විවිධ රස කැවිලි වර්ග තල ඇසුරෙන් සකසා ගනු ලැබේ. හදන්න ඉතා පහසු තල බෝල තල  ඇසුරෙන් සකසා ගන්නා රසවන් රස කැවිල්ලකි. තේ වේලාවට හෝ කෑමකින් පසුව මෙන්ම පුංචි බඩගින්නකට වූවත් නිවසේදී පමණක් නොව කාර්යාලයේදී ද බිස්කට් වෙනුවට ළඟ තබාගෙන පහසුවෙන් කෑමට ගන්නට හැකියි. අවශ්‍ය ද්‍රව්‍ය –     තල 100g     ගා ගත් පොල් මිටක්     කිතුල් හකුරු 100g     කරදමුංගු කුඩු ස්වල්පයක්     රස අනුව ලුණු සාදන අයුරු – පළමුව හකුරු ටික කොටා ගන්න. නැතිනම් ග්‍රේට් කරගන්න. පොල් ටික කබලේ බැදලා ගන්න. මේ සඳහා ඩෙසිකේටඩ් කොකනටි යොදා ගන්නවා නම් බැදීම අවශ්‍ය නොවේ. අනතුරුව හකුරු, පොල්, තල, කරදමුංගු, ලුණු  සියල්ල හොඳින් මිශ්‍ර කර යන්තම් කොටා  ගෙන බෝල ආකාරයට ගුලි කර ගන්න. පළමුවෙන්ම තල ඇට ශුද්ධ කර, ගරා, සොදා, වේලාගන්න මතක තබා ගන්න. තල කොටන්නේ නැතිව ද කලවම් කල හැක. පොල් යෙදීම අත්‍යාවශ්‍යම නොවන අතර ඒ වෙනුවට පොල් නොයොදා හකුරු, ලුණු සහ තල යොදා කොටා සකසා ගත හැක. සීනි හකුරු යොදන්නේ නැතිව පිරිසිදු පැණි හකුරු යෙදීමෙන...

අවශ්‍ය ද්‍රව්‍ය: හාල් පිටි කෝප්ප 2 යි. පාන් පිටි කෝප්ප 1 යි. කිතුල් පැනි කෝප්ප 1 1/2 යි. බැද ගැනීමට තෙල්. ලුනු ස්වල්පයක්. සාදන ආකාරය හාල් පිටි හා පාන් පිටි මිශ්‍රකර ගන්න. එයට කිතුල් පැනි හෝ නොමැතිනම් සීනි පැනි එකතු කර හොදින් මිශ්‍ර කරන්න. මෙය පැය 5ක් පමණ පිපෙන්නට තබන්න. ඉන්පසු තාචිචියක් ලිප තබා තෙල් දමා හොදින් තෙල් රත්වන විට මැදට පිටි මිශ්‍රණය වත්කර තෙල් හැන්දෙන් හොදින් තෙල් ඉසින්න. ඉරටුවක් හෝ කුඩා කූරක් යොදාගෙන කැවුම මැදින් කොණ්ඩය එන ලෙස අතින් කරකවන්න. උපුටා ගැනීම : kitchen.tharunaya.us

එළැඹෙන සිංහල අලුත් අවුරුද්දට සාමාන්‍යෙයන් සාදන කැවුම්, කොකිස්, අලුවා වලින් මිදී රසවත් කෑමක රස විදීමට නිවැසියන්ට අවස්ථාවක් ලබා දීමට ඔබ කැමතිද? එසේනම් මෙවර අලුත් අවුරුද්දට වෙනසක් ලෙස රස වෑහෙන පැණි වළලු සාදා ගමු. අවශ්‍ය ද්‍රව්‍ය උදු ඇට  500g හාල් පිටි 250g මිටි කිරි අඬු කෝප්ප 5 ලුණු තේ හැඳි 2 පැණි අඬු කෝප්ප 4 බැඳ ගැනීම‍ට පොල් තෙල්  සාදා ගන්නා ආකාරය හාල් පිටි කීප වරක් හලා ගන්න. උඳු ඇට ගරා සෝදා රැයක් පුරා පෙඟෙන්නට තබන්න.දැන් එය පෙරාගෙන පොල් කිරි ටිකක්ද දමා හොඳට ග්‍රයින්ඩ් කර ගන්න.දැන් අභරා ගත් උඳු භාජනයකට දමා හාල් පිටි සහ ලුණු ද එකතු කර හොඳට මිශ්‍ර කරන්න. පොල් කිරි ටික ටික දමමින් අතේ නොඇලෙන ගනට උකු මිශ්‍රණයක් සාදා ගන්න. දැන් මේ පිටි මිශ්‍රණය පැය 05ක් පමණ වසා පසෙකින් තබන්න. මිශ්‍රනය පිපෙන්න කිසිම දෙයක් අවශ්‍ය නොවෙන අතර පොල් මිරිකා ගන්නා විට පොල් වතුර ස්වල්පයක් භාවිත කළ හැකිය. පිටි මිශ්‍රනය වසා උණුසුම් තැනක තැබීමෙන් පිපීමේ හැකියාවද ඉක්මන්වෙන බව මතක තබා ගන්න. ඒ අතරතු පැණි ටික ළිප තබා ඉතාම මඳ ගින්නේ රත් වන්නට හරින්න. පැණි උණු කරන විට එයට සීනි මේස හැඳි 0...

අවශ්‍ය ද්‍රව්‍ය හාල් පිටි 500g හාල් කප්පි 50g පැණි කෝප්ප 2 සීනි 100g ලුණු තේ හැඳි1/2 වැනිලා තේ හැඳි 2 සූදුරැ ඇට තේ හැඳි 1 පොල් තෙල් සාදන ආකාරය හාල් කප්පි ටික කබලේ බැදගන්න. පැණි හා සීනි එකට දමා ලිප තබා හැදිගාමින් උණු කරන්න. දැන් පිටි හා කප්පි එකතු කරන්න. වැනිලා, සුදුරු හා ලුණු ද දමා හැදි ගාමින් කලවම් කරන්න.  භාජනයේ නොඇනෙ තරමේ පදමට එක ගුලියක් ලෙස සකසා ගන්න. පැතලි ලෑල්ලක තබා පොල් තෙල් ටිකක්ද ගාමින් කුඩා බෝල වලට කඩා ගන්න. දැන් එම බෝල අතින් තුනී කර කුඩා රොටි ලෙස සකසා ගැඹුරු තෙලෙු බැදගන්න. හාල් කප්පි සාදන ආකාරය සහල් පිටි කොටන විට, පිටි හලා වෙන්කර ගත් පසු ඉතිරිවන සිහින් සහල් කැබලි කප්පි වේ. උපුටා ගැනීම : kitchen.tharunaya.us

අවශ්‍ය ද්‍රව්‍ය හාල් පිටි 400 ලුණු තේ හැඳි ½ බිත්තර2 පොල් කිරි (උකු මිටිකිරි) කෝප්ප 2 පොල් තෙල් කහ කුඩු තේ හැඳි ½ සිහින්ව ලියා ගත් කරපිංචා මේස හැඳි 2 සාදන ආකාරය පිටි ටික කීප වරක්ම හොඳින් හලා ගන්න. භාජනයක් ගෙන එයට පිටි,බිත්තර,කහ,ලුණු, හා පොල් කිරි දමා උකු මිශ්‍රණයක් සාදා ගන්න. කුඩාවට ලියා ගත් කරපිංචා ද දමා හොඳට කලවම් කරන්න. දැන් පිටි මිශ්‍රණය පැය ½ ක් පමණ වසා තබන්න. තාච්චියක් ගෙන එයට තෙල් දමා ලිප තබන්න. කොකිස් අච්චුව ගෙන රත්වු තෙලට දමා ටික වේලාවක් තබා ඉවතට ගන්න. දැන් කොකිස් පිටි බදුනට කොකිස් අච්චුව දමා එහි උසින් ¾ ක් පමණ වැසෙන සේ පිටි ද්‍රාවණය තුලට බස්සන්න. දැන් නැවත රැගෙන රත් වු තෙලට දමා බැ‍ෙදන්නට හරින්න.‍ෙකාකිස් අචිචුව තාචිචියේ අඩියේ ගාවන්න එපා. බැදීගෙන එන විට මහත ඉරටුවක් හෝ කූරක් ගෙන කොකිස තුවාල නොවන සේ ඇන කොකිස ගලවා බැද ගන්න. කොකිස් පිටි මිශ්‍රණයේ උකු අඩු හෝ වැඩි ගතිය පොල් කිි මිශ්‍රකරමින් සාදා ගන්න.සාදා ගත් කොකිස් සුලං නොවදින සේ මුට්ටියක අසුරා තබන්න. උපුටා ගැනීම : kitchen.tharunaya.us

අවශ්‍ය ද්‍රව්‍ය හාල්පිටි 1 kg මිටි කිරි කේප්ප 2 මේරූ දවුල් කුරුදු ලුණු තේ හැදි 2 හකුරු 400 kg තෙල් සාදන ආකාරය හාල් පිටි හතර පස් වතාවක්ම ඉතාම සිහින් දැල් සහිත පෙනේරයකින් හලා ගන්න. හොදින් සෝදා පිරිසිදු කරගත් දවුල් කුරුදු කොළ කැබලි වලට කඩා භාජනයකට දමා වතුර ටිකටික ඉසිමින් අතින් පොඩිකරමින් නානු සාදා ගන්න. මෙම නානු රෙදි කැබැල්ලකින් පෙරා ගන්න. දැන් පිටි වලට ලුණු ,නානු සහ පොල් කිරි දමා මිශ්‍ර කරන්න. හරි පදමට මිශ්‍ර වු විට එය දැන ගන්නේ මෙ‍ෙස්ය.මිශ්‍රණය අනන විට අත ඔසවන්න.ඇඟිලි දිගේ නුලක් ආකාරයට පිටි බේරෙන්නේ නම් පදම නිවැරදිය. දැන් සිහින් සිදුරු විදින ලද ලොකු පොල් කට්ටක් ගෙන එයට පිටි මිශ්‍රණය දමා රත් වු තෙලට රවුමට දැලක් සේ ගෙතෙන ලෙස පිටි වත් කරන්න. පිපී‍ෙගන එනවිට ඉක්මනින් හැන්දක් ආධාරයෙන් දෙකට නවා ගන්න. දැන් දෙපැත්ත දමා බැදගන්න. මේ ලෙස බැදගත් ආස්මී මැටි වළඳක අඩුක්කර දින 3 ක් පමණ වසා තෙල් බේරෙන්නට තබන්න. දැන් හකුරු සිහින්ව ලියා වතුර ස්වල්පයක් එකතු කර පත් පැණි සාදා ගන්න. එය පසෙකින් තබන්න. නැවත තෙල් වළඳක් ළිප තබා රත් වු විට ආස්මී දමා විනාඩියක් පමණ නැවත බැඳ ගන්න. දියකරගත් හකුරු ස...